गोरखा,
नेपाल पर्यटन वर्ष २०११ लाई सफल पार्न गोरखामा नयाँ पैदलबाटोको खोजी गर्न गोरखाबाट हिँडेको सभासद्सहितको २५ जनाको टोलीले स्वाँरा गाविसमा नेपालकै ठूलो गुफा पत्ता लगाएको छ ।
स्वाँरा गाविस-८ मा रहेको सो गुफा स्वाँरा, सौरपानी, आरुआवाङ र आरुचनौटे गाविस हुँदै आरुघाटसम्म रहेको र योभन्दा लामो गुफा नेपालमा अर्को नरहेको स्वाँरा एकता क्लबका अध्यक्ष बुद्धिबहादुर गुरुङले बताउनुभयो ।
ट्रेकिङ व्यवसायी, पत्रकार, स्थानीय राजनीतिक दल, सभासद्, पर्यटन व्यवसायीसहितको टोली यही फागुन १५ देखि सातदिने अभियानमा गोरखाबाट निस्केको थियो ।
नेपालको सबैभन्दा ठूलो मानिएको तनहुँको सिद्ध गुफाभन्दा गोरखाको स्वाँरामा रहेको सीता गुफा लामो र ठूलो रहेको स्थानीय धामी बरामले बताउनुभयो ।
यसैबीच सो टोलीलाई स्थानीय गाउँलेले स्वागत गरेका छन् । स्ाौरपानीका पर्यटन व्यवसायीले राखेको एक कार्यक्रममा सभासद् अमर तमुले आर्थिक रुपान्तरणका पर्यटन क्षेत्रको विकास अनिवार्य रहेको बताउनुभयो ।
जिल्ला सदरमुकाम गोरखाबाट ११ कोस उत्तरमा रहेको सो गुफा नेपालको लामो भएको थप जानकारी टोलीमा सहभागी अर्का सदस्य एवम् धार्चे मनास्लु पर्यटन समितिका अध्यक्ष साने गुरुङले गराउनुभयो ।
पदयात्राको उक्त टोली उत्तरी गोरखाका विभिन्न क्षेत्रको भ्रमण, अवलोकन र मूल्याङ्कन गरी फागुन २२ गते गोरखा र्फकने र पत्रकार सम्मेलन गरेर यात्राबार जानकारी दिने कार्यक्रम रहेको समितिका सचिव रिजन घलेले बताउनुभयो ।
ऐतीहाँसिक नगरी गोरखा
Wednesday, February 16, 2011
Wednesday, January 26, 2011
गोरखा जिल्ला
गोरखा नेपालको गण्डकी अञ्लमा अवस्थित एक जिल्ला हो । गोरखा जिल्लाको सदरमुकाम गोरखा बजार हो जुन पृथ्वीनारायण नगरपालिकामा पर्दछ ।
विषयसूची
१ धार्मिक
२ ऐतिहासिक
३ भौगोलिक अबस्था
धार्मिक
यस बाहेक यहाँ शक्तिकी स्वरुप श्री भवानी कालिका र शिव स्वरुप श्री गुरु गोरखनाथ बाबा भएको हुँदा धार्मिक हिसाबले शिव-शक्ति पीठको रुपमा यस ठाउँको महत्वपुर्ण स्थान छ ।
ऐतिहासिक
यहाँ वि. सं. १७७९ मा राष्ट्रनिर्माता श्री ५ वडामहाराजधिराज पृथ्वीनारायण शाहको जन्म भएको थियो । गोरखामा जगतमाता भगवती कालिको मन्दीर र जगतगुरु मानिने गुरु गोरखनाथको गुफा पनि छ । यहाँ हजारैं भक्तजनहरु दर्शन गर्न र आफ्नो मनोकामना पूरा लागि आउने गर्छन् । साथै प्रत्येक अष्टमीका दिन वलि पुजा चढाईन्छ, दैनिक नित्य पूजाआजा र भजनकीर्तन हुन्छ । कालिका र गुरु श्री गोरखनाथलाई हिन्दुहरुको आराध्य वा नेपालको राष्ट्रदेवता मानिन्छ । नेपाली सिक्कामा पनि श्री भवानी र श्री श्री श्री गोरखनाथ लेखेको पाईन्छ । साथै नेपालको राष्ट्रिय निशाना छापमा पनि गुरु श्री गोरखनाथको चरण अंकीत थियो । यसबाट थाहा हुन्छ कि उहाँहरु हाम्रो आरध्यदेव हुनुहुन्छ ।
भौगोलिक अबस्था
यसठाउँको अर्को विशेषता भनेको यहाँबाट देखिने चाँदीको घेरजस्तो उत्तरतिरको हिमाली श्रृङ्खला । संसारको पाँचै अग्लो हिमाल मनासलु यही भेकमा पर्छ । यहाँबाट धौलागिरी देखि गणेशहिमाल सम्मको मनमोहक दृश्य देखिन्छ । यस्तै घना जंगल तथा हरिया पहाडहरु, हिमालदेखी कलकल गर्दै बग्ने नदिनालाहरु, सम्ममैदान र फाँटहरु, शितोष्ण हावापानी, शान्त वातावरण आदीले गर्दा यहाँ आउने जोकोहीको पनि मन छुन्छ । यिनै कारणहरुले गर्दा वर्षेनी विश्वका बिभिन्न मुलुकहरुबाट थुप्रै पर्य़टकहरु यहाँ आउने गर्छन् ।
अञ्चल:गण्डकी अञ्चल
सदरमुकाम: गोरखा
क्षेत्रफल: ३,६१० वर्ग कि.मि.
जनसंख्या: ३,२१,८४६
गाविस संख्या: ६६
नगरपालिका(हरू): गोरखा नगरपालिका
संविधानसभा निर्वाचन क्षेत्र संख्या: ३
भौगोलिक अवस्थिति: पहाडी प्रदेश
सबैभन्दा अग्लो उचाई: ८,१५६ मिटर
सबैभन्दा होंचो उचाई: ४८८ मिटर
प्रमुख जातिहरू: बाहुन, क्षेत्री, मगर, गुरूङ,यस जिल्लामा बिशेष गरी मगर र थारु जती को बसोबस रहेको पाईन्छ मगरहरु जिल्लाको उतरी भेगमा बसोबस गर्छन् भने थारुहरु दखिन भेग मा बसोबस रहेको पाईन्छ
प्रमुख भाषाहरू: नेपाली, मगर, गुरूङ भाषा
मानव विकास सुचाङ्क स्थिति: ४० (७५ जिल्लाहरू मध्ये)
टेलिफोन कोड: ०६४
Subscribe to:
Posts (Atom)